दुधखेड हे गाव सह्याद्रीच्या उपरांगेत आधिशक्ती सप्तशृंगीदेवी गडाच्या व मार्कण्डेय ऋषी पर्वताच्या नजीक डोंगराळ भागात वसलेले गाव आहे.   दुधखेड गावाचे अंतर चांदवड तालुक्यापासून ४० कि.मी. असून नाशिक जिल्ह्यापासून ५५ कि.मी. इतके आहे.

       दुधखेड ही ग्रुप ग्रामपंचायत दिनांक १३/०२/१९६५ रोजी स्थापन झाली असून त्यामध्ये दुधखेड व नवापूर अशी दोन मह्सुल गावे समाविष्ट आहे . तसेच तपनपाडा व गेठेवाडीपाडा  हे पाडे समाविष्ट आहे. ग्रामपंचायत दुधखेड ची दिनांक १८ / १२ /२०२२ रोजी सार्वत्रिक निवडणूक झाली त्यामध्ये एकूण 3 वार्ड संख्या असे ९ सदस्य असून व लोकनियुक्त / थेट जनतेतून सरपंच पद सौ. उषा एकनाथ पगार यांचेकडे ०९/०१/२०२३ पासून अस्थित्वात आहे.  जून २०२५ पासून श्री. सर्वेश अविनाश आहिरे  ग्रामपंचायत अधिकारी म्हणून कार्यरत आहे.

       सन २०११ च्या जनगणनेनुसार २६३३ इतकी लोकसंख्या आहे. त्यापैकी अनुसूचित जातीची १४० , अनुसूचित जमातीची २२५२ व इतर २४१ इतकी असून सदर ग्रामपंचायतीचे भौगोलिक क्षेत्र ८२७ हेक्टर इतके आहे. व शेतकरी संख्या अंदाजे महसूल गाव दुधखेड ची २५४ व महसूल गाव नवापूर ची २११अशी एकूण ४६५ शेतकरी संख्या आहे. ग्रामपंचायत अतर्गत तपनपाडा , गेठेवाडीपाडा,  दुधखेड व नवापूर येथे प्रत्येकी १ प्राथमिक शाळा व १ अंगणवाडी अशी सुविधा आहे. दुधखेड व नवापूर साठी पाणीपुरवठा योजना सुरू असून पाणीपुरवठा दररोज केला जातो . गावामध्ये सार्वजनिक कार्यक्रमासाठी १ मंगलकार्यालय , १ सभामंडप , व १  समाजमंदिर उपलब्ध आहे .